Prinses Juliana Ta Bishita Aruba

Su Alteza Real ta bishita Aruba

For di mei 1940 te na fin di Segundo Guera Mundial (1944), Prinses Heredero Juliana a pasa cuater (4) aña den exilio na Canada, ku su dos (2) yiu muhenan, Prinses Beatrix y Prinses Irene, pa scapa di e ocupacion Aleman.

Prome cu e regresa Hulanda despues di su exilio, Prinses Heredero Juliana a pasa un dia na Aruba, riba diamars 29 di februari 1944, como e prome Real Hulandes cu a haci esaki, mientras tambe a bishita e paisnan: Curaçao, Boneiro, Venezuela, St. Maarten, Republica Dominicana, y Cuba. El a baha na Aeropuerto di Dakota riba “De Meeuw” (E Gaviota), e Lockheed Super Electra. Riba su programa durante cu e tabata na Aruba, tabatin un bishita na e scol Juliana, cu a carga su nomber, y el a wordo saluda pa mil mucha homber y mucha muhe cu a canta p’e.

E Segundo Guera Mundial a conduci na un cambio den persepcion di e Reino y e colonialismo cu tabata existi te na 1939. Su Altesa Real Reina Wilhelmina, mama di Prinsesa Juliana, a anuncia un independencia mas grandi pa e teritorionan den exterior na 1942. Negociacionnan ku Surnam y Antia Hulandes a cuminsa na 1948, y na 1945 “Statuut voor het Koninkrijk der Nederlanden”, of simplemente e Statuut, a keda cla. Reina Juliana a firma e Ley di Confirmacion dia 15 di december 1954, cu oficialmente a drenta na vigor dia 29 di december 1954. E aniversario di e Statuut ta wordo celebra anualmente riba Dia di Reino, esta 15 di december.